Біз жай ғана «тісі шығып жатыр» деп ойладық

2025 жылғы шілденің соңынан бастап бала қатты мазасызданып, түнде жылайтын болды. Жедел жәрдем шақырдық, құрсақ қуысына УДЗ жасатып, анализдер тапсырдық — ешқандай патология табылмады. Бірақ ауырсыну күшейе берді, балапанымыз түнде ұйықтамай, қатты жылады. Тек тамыздың басында, қызымыз аяғына тұра алмай қалғанда, жұқпалы аурулар ауруханасының дәрігерлері құрсақ қуысына КТ жасап, құрсақ артындағы кеңістіктен көлемі 11 см алып ісікті анықтады.

Өмірімізді төңкеріп тастаған диагноз

Дәрия 2025 жылдың тамызында, 1 жас 4 айында ауырып қалды. Тексерулер ең қорқынышты болжамды растады:

• 2025 жылғы 10 тамыз — Астана қаласының онкология бөлімшесінде диагноз қойылды: 4-сатыдағы нейробластома — құрсақ қуысындағы ісік
• 11 тамыз — Сеулге, Северанс клиникасына ұштық
• Сеулдегі дәрігерлер растады: жоғары қауіпті нейробластома, 4-саты, сүйек кемігі зақымданған, сүйектерде көптеген метастаздар бар
• Емдеу хаттамасы — 2 жыл

Алты ай күрес пен үш реанимация

Кореяда 6 ай емделіп, химиотерапияның 4 курсынан өттік. Тыныс алу асқынулары мен инфекцияға байланысты үш рет реанимацияға түстік.

• Соңғы рет — 34 күн өкпені жасанды желдету аппаратында
• Жүрек 1 сағатқа тоқтады
• Бүйрек пен өкпе істен шықты
• ЭКМО аппараты мен диализге қосылды

Бірақ Аллаға шүкір, реаниматологтардың арқасында Дәриямыз аман қалды.

Ісік шегінуге жақын

2026 жылдың наурызынан бері Барселонадағы Sant Joan de Déu балалар ауруханасында емделіп жатырмыз. Осы уақыт ішінде өткеніміз:

• Химио-иммунотерапияның 8 циклі
• Ісікті алып тастау операциясы
• Сәулелік терапия

Оң өзгерістер бар, ісік шегінуге жақын. Алда тағы химио-иммунотерапияның 3 циклі бар — жоспар бойынша 2027 жылғы қаңтардың соңына дейін.

2026 жылғы 19–23 қазан аралығында — бақылау тексеруі (MIBG, сүйек кемігінің пункциясы, МРТ). Ол ағзадағы ісіктің қазіргі жағдайын көрсетеді.

Дәрия қайтадан жүруді үйренуде

Өткен жылы ісіктің салдарынан балапанымыздың аяқтары жүрмей қалды. Қазір ол оңалтудан өтіп жатыр, нәтижелері жақсы — Дәрия еңбектеп, аяғына тұра бастады.

Бар-жоғымызды салдық

• Астанадағы пәтерімізді саттық
• Көлігімізді саттық
• Барлық жинағымызды жұмсадық
• Қарызға ақша алдық
• Барлық қорлар мен ірі кәсіпорындарға жүгіндік
• Өткен жылдан бері Instagram-да қаражат жинап келеміз — @dariya.komek

Жанашыр жандардың арқасында балапанымыз емделуін жалғастырып жатыр. Бірақ қазір түсетін көмек күрт азайып, клиника алдындағы қарыз өсіп барады.

Өкінішке қарай, қайырымдылық қорлары мен ҚР Денсаулық сақтау министрлігі қолдау көрсетуден бас тартады — бұл ауру шетелде емделуді қаржыландыру тізіміне енгізілмеген.

Сіздің қолдауыңыз балапанымызға өмір сыйлай алады

Зор қайғы мен үмітпен Сіздерге көмек сұрап жүгініп отырмыз — қызымыздың емінің құнын өтеуге қолғабыс етіп, оған толық сауығуға мүмкіндік беріңіздерші.

Дәриямызды 8 жыл күттік, ол ЭКО-ның алтыншы әрекетінен кейін ғана дүниеге келді. Бізде 10 жастағы үлкен қызымыз Мәриям бар.

Зор үмітпен және сеніммен,
Дәрияның ата-анасы — Талғат пен Айжан